大自然,小自然

by SL05NED

大自然,包括所有生物,亦都係所有生物既家。而我既小小自然動作,就係見到D細細地飛飛下既生物,好似D蚊子仔,烏蠅仔之類,就好想拍死佢。唔知係我厭佢地煩,覺得佢地樣衰,定係覺得佢地細細粒好好hup?大自然比得呢D飛飛下既野生存一定有佢既原因。其實我應唔應該拍死佢地呢?拍死左,又好似奪去左一條小小既生命,好衰咁。唔拍死,又好似比呢D遺害人間既生物又機會繁殖,唔見得好得去邊。

今日我係廁所又見到隻飛飛下既烏蠅仔,本能反應就梗係拍死佢啦。拍一次,拍唔到,拍多次,又拍唔中。拍下拍下,我就開始唸呢個問題.. 究竟拍定唔拍好呢?唸下唸下,隻烏蠅仔都飛左唔知去邊,變左大烏蠅囉..

Advertisements